MISA - Renungan Katolik Minggu, 15 Mei 2022 - Yohanes 13:31-33a,34-35. BcO Kis. 16:16-40 (Bahasa Kupang,NTT dan Bahasa Indonesia) - HARI MINGGU PASKAH V - misa.lagu-gereja.com

View : 5118 kali

Renungan Katolik 2022

Minggu, 15 Mei 2022

Renungan Katolik Minggu, 15 Mei 2022 - Yohanes 13:31-33a,34-35. BcO Kis. 16:16-40 (Bahasa Kupang,NTT dan Bahasa Indonesia) - HARI MINGGU PASKAH V

Minggu, 15 Mei 2022
HARI MINGGU PASKAH V
Kis. 14:21b-27; Mzm.145:8-9,10-11,12-13ab; Why. 21:1-5a;
Yohanes 13:31-33a,34-35.
BcO Kis. 16:16-40
Warna Liturgi Putih
MT/BPI Edisi Baru: 133, 956 Lama: 836, 956
Saran Nyanyian: PS 521, 523, 610, 660, 662, 663, 677, 685, 692

Daily Reading for Sunday May 15, 2022
Reading 1, Acts 14:21-27
Responsorial Psalm, Psalms 145:8-9, 10-11, 12-13
Gospel, John 13:31-33, 34-35
Reading 2, Revelation 21:1-5

Yohanes 13:31-33a,34-35
---------------------------------------
Bahasa Kupang,NTT:
Parenta yang baru
31Waktu Yudas su kaluar, ju Yesus kasi tau, bilang, “Beta ni, Manusia Tulen. Sakarang, dia pung waktu su sampe ko Tuhan Allah angka tinggi-tinggi sang Beta. Deng itu ju nanti bekin orang lia Tuhan Allah pung hebat. 32Tagal Beta ta'ika deng Tuhan, deng kasi tunju Dia pung hebat, andia ko Dia angka tinggi-tinggi sang Beta. Deng Dia sonde pake tunggu-tunggu lai.
33Ana dong, é! Biar Beta sayang mati sang bosong, ma sadiki lai Beta su sonde ada sama-sama deng bosong lai.
34Beta kasi sang bosong satu parenta baru, bagini: bosong musti basayang satu deng satu, sama ke Beta sayang sang bosong. Jadi, bosong ju musti basayang satu deng satu.f 35Kalo bosong basayang bagitu, na, samua orang bisa tau, bilang, bosong ni, Beta pung ana bua dong.”

Bahasa Indonesia:
Perintah baru 13:31 Sesudah Yudas pergi, berkatalah Yesus: "Sekarang Anak Manusia dipermuliakan dan Allah dipermuliakan di dalam Dia. 13:32 Jikalau Allah dipermuliakan di dalam Dia, Allah akan mempermuliakan Dia juga di dalam diri-Nya, dan akan mempermuliakan Dia dengan segera. 13:33 Hai anak-anak-Ku, hanya seketika saja lagi Aku ada bersama kamu.
13:34 Aku memberikan perintah baru kepada kamu, yaitu supaya kamu saling mengasihi; sama seperti Aku telah mengasihi kamu demikian pula kamu harus saling mengasihi. 13:35 Dengan demikian semua orang akan tahu, bahwa kamu adalah murid-murid-Ku, yaitu jikalau kamu saling mengasihi."

Gospel, John 13:31-33, 34-35
13:31 So, when he had gone out, Jesus said, "Now the Son of Man is glorified, and God is glorified in Him.
13:32 "If God is glorified in Him, God will also glorify Him in Himself, and glorify Him immediately.
13:33 "Little children, I shall be with you a little while longer. You will seek Me; and as I said to the Jews, 'Where I am going, you cannot come,' so now I say to you.

13:34 "A new commandment I give to you, that you love one another; as I have loved you, that you also love one another.
13:35 "By this all will know that you are My disciples, if you have love for one another."

BcO Kisah Para Rasul 16:16-40
---------------------------------------
Bahasa Kupang,NTT:
Dong kasi maso sang Paulus deng Silas pi dalam bui di kota Filipi
16Satu hari, waktu botong ada bajalan pi tampa sambayang, ju botong katumu satu nona di jalan. Dia tu, orang pung budak. Dia takaná setan jahat, sampe dia bisa kasi tau orang pung nasib. Dia ju bisa tau masala dong pung ujung-pohon dari mana. Jadi, banya orang suka kasi sang dia doi ko minta tolong lia dong pung nasib. Ma itu doi dong, nona pung bos-bos yang dapa samua, sampe dong jadi kaya. 17Itu hari, waktu botong ada jalan, itu nona maen iko-iko sang botong tarús. Ais dia batarea, bilang, “Ini orang dong, Tuhan Allah yang Paling Tinggi pung tukang suru-suru dong. Dong datang ko mau kasi tunju jalan, bilang, karmana ko orang bisa dapa salamat, deng lapás dari dong pung sala-sala dong!”
18Itu nona bekin bagitu sampe barapa hari. Lama-lama ju Paulus jadi bosan dengar itu parampuan pung eki-eki tu. Ais dia bale ko lia karás-karás sang itu nona, ju dia parenta itu setan, bilang, “Hee! Lu setan jahat! Deng Tuhan Yesus pung kuasa, beta parenta sang lu, kaluar dari ini parampuan, sakarang juga!” Paulus omong abis bagitu, ju itu setan kaluar memang. Paulus usir setan dari parampuan
19Waktu itu nona pung bos dong dapa tau, bilang, dong pung budak pung kuasa su ilang, ju dong mara, tagal dong sonde dapa doi lai. Ais dong pegang ame sang Paulus deng Silas, ko hela bawa sang dong pi di pasar, di tampa yang orang biasa pake ko urus parkara. 20Di situ, dong batarea karás-karás, bilang, “Ini orang dong ni, datang ko bekin rusak kotong pung kota. Padahal dong bukan orang dari sini. Ini Yahudi dong, datang dari jao-jao ko bekin kaco sa di sini! 21Dong ju ajar orang, bilang, kotong jang toe deng pamarenta Roma pung atoran dong, ko iko dong pung atoran.”
22Dengar bagitu, ju orang banya dong mangamok, abis dong pi papoko sang Paulus deng Silas. Ju tukang putus parkara di situ dong, suru orang dong pi robe buang dong dua pung pakean, ais firuk sang dong. 23Dong firuk barmaen sang Paulus deng Silas, ais tola buang sang dong pi dalam bui. Dong suru komandán jaga di situ, ko jaga bae-bae sang itu dua orang. Jang sampe dong lari. 24Dengar bagitu, ju itu komandán jaga kasi maso dong di satu kamar di itu bui pung tenga. Ju dia gepe dong pung kaki pake kayu pasung. Dong gepe Paulus dong pung kaki di kayu pasung dalam bui
25Kira-kira waktu tenga malam, Paulus deng Silas ada sambayang deng manyanyi ko puji-puji sang Tuhan Allah. Itu orang bui laen dong di situ, ada iko dengar dong pung manyanyi tu. 26Takuju sa, tana tagoyang karás-karás, sampe anteru ruma bui tu, ju tagoyang. Deng dia pung pintu tabuka lebar. Tarús orang bui dong pung rante samua, ju talapás buang.
27Itu waktu, ju komandán jaga di ruma bui takuju bangun, ju dia lia itu bui pung pintu dong samua tabuka lebar. Lia bagitu, ju dia kira ke orang bui samua su lari fuik. Ais ju, dia cabu ame dia pung parang, ko mau bunu diri. 28Ma Paulus batarea deng suara karás deng larang, bilang, “We, Pak! Jang bunu diri! Te botong samua masi ada di sini, ó!” Dong kasi barisi Paulus pung luka dong
29Dengar itu suara, ju komandán tu, taku mo mati, deng dia tabingung-bingung. Ais dia suru ko dong bawa kasi sang dia obor, tarús dia lari maso pi dalam itu bui, deng badan gamatar dingin. Ju dia pi jato tikam lutut di Paulus deng Silas pung kaki.
30Ju dia bawa kasi kaluar dong dari dalam bui, ais dia tanya, bilang, “Bapa dong. Beta ni, ada susa mo mati. Beta musti bekin apa, ko bisa talapás dari ini susa dong?”
31Paulus dong manyao, bilang, “Dia pung jalan bagini: lu parcaya sang Tuhan Yesus, ko nanti Dia kasi salamat sang lu. Bagitu ju deng lu pung isi ruma dong.” 32Ais Paulus deng Silas ba'omong deng itu komandán bui, deng dia pung isi ruma dong samua. Dong kasi tau Tuhan Yesus pung Jalan Idop kasi sang dong. 33Lewat tenga malam sadiki, ju itu komandán bui bawa ame Paulus deng Silas ko pi kasi barisi dong pung luka kaná firuk kamaren. Ais itu, dong sarani sang itu komandán deng dia pung isi ruma dong samua. 34Tarús, dia bawa sang dong pi dalam dia pung ruma, ko dia kasi dong makan. Dia deng dia pung kelu dong samua talalu sanáng, tagal dong su parcaya sang Tuhan Allah.
35Dia pung papagi hari, ju tukang putus parkara dong, kirim pasán kasi sang itu komandán bui, ko suru dia kasi lapás Paulus dong dari dalam bui.
36Dengar bagitu, ju komandán bui kasi tau itu pasán sang Paulus, bilang, “Bapa dong. Orang bésar dong su putus ko kasi lapás sang bosong. Jadi bapa dong pi deng salamat suda.”
37Dengar bagitu, ju Paulus sonde mau tarima bae. Ju dia kasi tau bale sang tukang jaga dong yang bawa itu pasán tadi, bilang, “Jang bagitu! Te botong ni, ada pung hak warga Roma. Jadi botong tuntut botong pung hak! Pamarenta dong musti urus botong pung parkara ni, iko atoran. Iko dia pung batúl, musti dudu parkara dolo, baru hukum orang. Ma dong sonde bekin bagitu. Dong sonde dudu parkara dolo, ko cari tau botong pung sala apa, ma dong su firuk barmaen sang botong di orang banya pung muka. Sonde ada pung alasan apa-apa, ju dong lempar buang sang botong pi dalam bui. Ini su taráng-taráng, dong langgar pamarenta Roma pung atoran. Abis sakarang, dong mau kasi kaluar sambunyi-sambunyi sang botong dari dalam bui, ko biar orang sonde dapa tau, bilang, botong pung sala apa? Sonde bisa bagitu! Suru itu bos dong datang sandiri ko kasi lapás sang botong. Bagitu dolo, baru botong tarima.”
38Waktu itu tukang jaga dong pi lapor kambali Paulus pung omong tu, itu bos-bos dong dapa tau, bilang, dong dua ada pung hak warga Roma. Ju dong jadi taku mo mati. 39Ais ju orang bésar dong datang di bui, ko mangaku dong pung sala, deng minta ma'af sang Paulus deng Silas. Ais ju dong kasi kaluar sang dong dua dari dalam bui, tarús dong minta ko dong jalan kasi tenga itu kota.
40Kaluar dari bui, ju Paulus dong pi di mama Lidia pung ruma. Di situ, dong bakumpul deng orang parcaya dong. Dong ajar sang dong, deng kasi kuat dong pung hati satu kali lai. Abis itu, dong jalan kasi tenga itu kota.

Bahasa Indonesia:
16:16 Pada suatu kali ketika kami pergi ke tempat sembahyang itu, kami bertemu dengan seorang hamba perempuan yang mempunyai roh tenung; dengan tenungan-tenungannya tuan-tuannya memperoleh penghasilan besar. 16:17 Ia mengikuti Paulus dan kami dari belakang sambil berseru, katanya: "Orang-orang ini adalah hamba Allah Yang Mahatinggi. Mereka memberitakan kepadamu jalan kepada keselamatan." 16:18 Hal itu dilakukannya beberapa hari lamanya. Tetapi ketika Paulus tidak tahan lagi akan gangguan itu, ia berpaling dan berkata kepada roh itu: "Demi nama Yesus Kristus aku menyuruh engkau keluar dari perempuan ini." Seketika itu juga keluarlah roh itu. Kepala penjara Filipi 16:19 Ketika tuan-tuan perempuan itu melihat, bahwa harapan mereka akan mendapat penghasilan lenyap, mereka menangkap Paulus dan Silas, lalu menyeret mereka ke pasar untuk menghadap penguasa. 16:20 Setelah mereka membawa keduanya menghadap pembesar-pembesar kota itu, berkatalah mereka, katanya: "Orang-orang ini mengacau kota kita ini, karena mereka orang Yahudi, 16:21 dan mereka mengajarkan adat istiadat, yang kita sebagai orang Rum tidak boleh menerimanya atau menurutinya." 16:22 Juga orang banyak bangkit menentang mereka. Lalu pembesar-pembesar kota itu menyuruh mengoyakkan pakaian dari tubuh mereka dan mendera mereka. 16:23 Setelah mereka berkali-kali didera, mereka dilemparkan ke dalam penjara. Kepala penjara diperintahkan untuk menjaga mereka dengan sungguh-sungguh. 16:24 Sesuai dengan perintah itu, kepala penjara memasukkan mereka ke ruang penjara yang paling tengah dan membelenggu kaki mereka dalam pasungan yang kuat. 16:25 Tetapi kira-kira tengah malam Paulus dan Silas berdoa dan menyanyikan puji-pujian kepada Allah dan orang-orang hukuman lain mendengarkan mereka. 16:26 Akan tetapi terjadilah gempa bumi yang hebat, sehingga sendi-sendi penjara itu goyah; dan seketika itu juga terbukalah semua pintu dan terlepaslah belenggu mereka semua. 16:27 Ketika kepala penjara itu terjaga dari tidurnya dan melihat pintu-pintu penjara terbuka, ia menghunus pedangnya hendak membunuh diri, karena ia menyangka, bahwa orang-orang hukuman itu telah melarikan diri. 16:28 Tetapi Paulus berseru dengan suara nyaring, katanya: "Jangan celakakan dirimu, sebab kami semuanya masih ada di sini!" 16:29 Kepala penjara itu menyuruh membawa suluh, lalu berlari masuk dan dengan gemetar tersungkurlah ia di depan Paulus dan Silas. 16:30 Ia mengantar mereka ke luar, sambil berkata: "Tuan-tuan, apakah yang harus aku perbuat, supaya aku selamat?" 16:31 Jawab mereka: "Percayalah kepada Tuhan Yesus Kristus dan engkau akan selamat, engkau dan seisi rumahmu." 16:32 Lalu mereka memberitakan firman Tuhan kepadanya dan kepada semua orang yang ada di rumahnya. 16:33 Pada jam itu juga kepala penjara itu membawa mereka dan membasuh bilur mereka. Seketika itu juga ia dan keluarganya memberi diri dibaptis. 16:34 Lalu ia membawa mereka ke rumahnya dan menghidangkan makanan kepada mereka. Dan ia sangat bergembira, bahwa ia dan seisi rumahnya telah menjadi percaya kepada Allah. 16:35 Setelah hari siang pembesar-pembesar kota menyuruh pejabat-pejabat kota pergi kepada kepala penjara dengan pesan: "Lepaskanlah kedua orang itu!" 16:36 Kepala penjara meneruskan pesan itu kepada Paulus, katanya: "Pembesar-pembesar kota telah menyuruh melepaskan kamu; jadi keluarlah kamu sekarang dan pergilah dengan selamat!" 16:37 Tetapi Paulus berkata kepada orang-orang itu: "Tanpa diadili mereka telah mendera kami, warganegara-warganegara Roma, di muka umum, lalu melemparkan kami ke dalam penjara. Sekarang mereka mau mengeluarkan kami dengan diam-diam? Tidak mungkin demikian! Biarlah mereka datang sendiri dan membawa kami ke luar." 16:38 Pejabat-pejabat itu menyampaikan perkataan itu kepada pembesar-pembesar kota. Ketika mereka mendengar, bahwa Paulus dan Silas adalah orang Rum, maka takutlah mereka. 16:39 Mereka datang minta maaf lalu membawa kedua rasul itu ke luar dan memohon, supaya mereka meninggalkan kota itu. 16:40 Lalu mereka meninggalkan penjara itu dan pergi ke rumah Lidia; dan setelah bertemu dengan saudara-saudara di situ dan menghiburkan mereka, berangkatlah kedua rasul itu.

Daftar Label dari Kategori Renungan Katolik 2022

Pembuatan Tata Ibadah:
Pembuatan Tata Ibadah Katolik, Lagu Perkawinan Katolik, Kalender Liturgi Katolik 2016, Khotbah Katolik 2016,

Download Bahan-bahan kuliah ini ditujukan untuk mahasiswa STT Jakarta,

Nama-Nama Bayi Katolik Terlengkap

Kalender Liturgi Katolik 2024 dan Saran Nyanyian

Kalender Liturgi Katolik Desember 2023 dan Saran Nyanyian

Orang Kudus Katolik Dirayakan Desember
Santo-Santa 13 Desember - Santa Lusia (Perawan dan Martir), Santa Odilia atau Ottilia (Pengaku Iman)

MAZMUR TANGGAPAN & BAIT PENGANTAR INJIL
- PASKAH
- KENAIKAN
- PENTAKOSTA
- BIASA

NEXT:
Renungan Katolik Senin, 16 Mei 2022 - Yohanes 14:21-26 - BcO Kisah Para Rasul 17:1-18 - Hari Biasa Pekan V Paskah (Daily Reading for Monday May 16, 2022)

PREV:
Renungan Katolik Sabtu, 14 Mei 2022 - Yoh 15:9-17. Kis 5:12-32 atau 1Kor 1:17-2:5 atau 1Kor 4:1-16 - PESTA ST. MATIAS, Rasul

Kutipan Katolik
18 Maret 2024
Yesus membuka pintu Allah - Paus Benediktus XVI

18 Maret 2024
Puasa mengangkat pikiran kepada Allah - St. Fransiskus dari Sales

Mengenal Katolik
Kamis, 28 Maret 2024
UPACARA PENCUCIAN ALTAR DI BASILIKA SANTO PETRUS PADA KAMIS PUTIH

Kamis, 12 Oktober 2023
Panduan Dalam Memakai Rosario

Arsip Renungan Katolik 2022..